Dortmundi do të përballet në çerekfinale ndaj Real Madridin në Kupën e Botës për Klube.

Ndeshja do të luhet me datën 5 korrik me fillim nga ora 22:00, shkruan Arbresh.info.

Verdhezinjtë në këtë sfidë do të jenë pa njërin prej yjeve të rinj të skuadrës, Jobe Bellingham, vëllaun e Jude i cili luan tek Real Madridi.

Jobe u ndëshkua mbrëmë me karton të verdhë dhe është suspenduar për ndeshjen çerekfinale pasi përmbushi numrin e caktuar të kartonëve të verdhë.

Kjo e pamundëson një përballje kokë më kokë të vëllezërve Bellingham.

Jobe u transferua këtë verë tek Dortmundi nga Sunderlandi, kurse Jude Bellingham do të përballet me ish-klubin e tij sërish pas asaj finale të Ligës së Kampionëve në vitin 2024.

Kujtojmë se Real Madridi e transferoi Bellinghamin verën e vitit 2023 nga gjiganti gjerman për rreth 100 milionë euro./Arbresh.info